എന്റെ പൊന്നോ എന്താ രുചി! പുതുപുത്തൻ രുചിയിൽ കിടിലൻ ബീഫ് കറി! ഒരിക്കലെങ്കിലും ഉണ്ടാക്കി നോക്കണം ഇത് പോലൊരു ബീഫ്ക്കറി!! | Variety Beef Curry Recipe

Variety Beef Curry Recipe: ഈ ബീഫ്‌ കറി ഒരുവട്ടം ഉണ്ടാക്കിയാൽ വീണ്ടും വീണ്ടും ഉണ്ടാക്കിനോക്കും. വളരെ പെട്ടെന്ന് ഉണ്ടാക്കിയെടുക്കാൻ പറ്റിയ ഒരടിപൊളി കറി. എല്ലാവർക്കും ഒരേ പോലെ ഇഷ്ടപെടുന്ന എന്നാൽ എല്ലാ ഫുഡിന്റെ കൂടെയും കഴിക്കാൻ പറ്റുന്ന കിടിലൻ ബീഫ് കറി.

ചേരുവകൾ

• ബീഫ് -1 ½
• ചെറിയുള്ളി -7
• മഞ്ഞൾ പൊടി -½ സ്പൂൺ
• മല്ലി
• മുളക്
• ഉലുവ -½ സ്പൂൺഎലക്ക -3
• കരാമ്പു -2
• സവാള -2
• തക്കാളി -1
• പച്ചമുളക് -2
• മല്ലിചപ്പ്
• നാരങ്ങ
• കുരുമുളക് പൊടി
• ഇഞ്ചി

തയ്യാറാക്കുന്ന വിധം

ആദ്യം ബീഫ് നല്ലപോലെ കഴുകി ചെറിയ പീസ് ആക്കി എടുക്കുക. ഇനി ഒരു കുക്കറിൽ ബീഫ്‌ ഇട്ട് കൊടുക്കുക. ശേഷം അതിലേക് 7 ചെറിയുള്ളി തൊലികളഞ്ഞത് ചേർത്ത് കൊടുക്കുക. ഇനി ½ സ്പൂൺ ഉലുവ, മഞ്ഞൾ പൊടി, ഉപ്പ്‌, മല്ലി, മുളക് എന്നിവ ഇട്ട് കൊടുക്കുക. കൂടെ കുറച്ച് മാത്രം വെള്ളം ഒഴിച് കൊടുക്കുക. കാരണം ബീഫിൽ നല്ലപോലെ വെള്ളം ഉണ്ടാകും. ഇനി നല്ലപോലെ ഇളക്കി കൊടുക്കുക. ഇനി അതിലേക് 3 ഏലക്ക, ഇഞ്ചി ചതച്ചത്, 2 കരാമ്പു എന്നിവ ഇട്ട് കുക്കറിൽ 3 വിസിൽ വരുന്നത് വരെ വേവിക്കുക. ഇനി മറ്റൊരു പാനിൽ കുറച്ച് വെളിച്ചെണ്ണ ചേർക്കാം. വെളിച്ചെണ്ണ ചൂടായിവന്നാൽ 2 സ്പൂൺ മല്ലിപൊടി, 1 സ്പൂൺ ഗരം മസാല എന്നിവ ഇട്ട് നന്നായി ഇളക്കുക.

ഇനി ഇതിലേയ്ക് വലുതായി മുറിച്ച സവാള ചേർത്ത് കൊടുക്കുക. ഇനി അതിലേയ്ക് കുറച്ച് വെളിച്ചെണ്ണ, കുരുമുളക് പൊടി എന്നിവ ഇട്ട് നല്ലപോലെ ഇളക്കുക. ഇനി ഇതിലേയ്ക് തക്കാളി -1 പച്ചമുളക് -2 എന്നിവ ഇട്ട് നല്ലപോലെ വഴറ്റുക. ഇനി ഇതിലേയ്ക് നേരത്തെ വേവിച്ച ബീഫ് കൂടി ചേർത്ത് കൊടുക്കുക. ഈ സമയത്ത് ഉപ്പ്‌ വേണേൽ ചേർക്കാം. ഇനി ഇതിലേക് കുറച്ച് മല്ലിച്ചപ്പ് ചേർക്കുക. ഇനി ഏറ്റവും അവസാനമായി ഒരു പകുതി ചെറുനാരങ്ങ 4 ആയി അരിഞ്ഞത് ചേർത്ത് കൊടുക്കുക. ഇങ്ങനെ വളരെ പെട്ടന്ന് തന്നെ നമുക്ക് അടിപൊളി ബീഫ് കറി ഉണ്ടാക്കിയെടുക്കാവുന്നതാണ്. Credit: Malappuram Vavas