പത്താം ക്ലാസ് സോഷ്യൽ ഡേ!! ആ ചിരിച്ച മുഖം മലയാളികൾക്ക് മറക്കാൻ സാധിക്കില്ല | Subi Suresh childhood photos viral malayalam
Subi Suresh childhood photos viral malayalam : മലയാള ടെലിവിഷൻ – സിനിമ പ്രേക്ഷകർക്ക് അടുത്തിടെ കടുത്ത വേദന നൽകിയ ഒരു വാർത്തയായിരുന്നു, സുബി സുരേഷിന്റെ വിയോഗം. 41 വയസ്സുകാരിയായ സുബി, കരൾ രോഗവുമായി ബന്ധപ്പെട്ട് ചികിത്സയിൽ കഴിയുന്നതിനിടെയാണ് മരണത്തിന് കീഴടങ്ങിയത്. വ്യക്തിജീവിതത്തിൽ ഏറെ പ്രയാസങ്ങൾ ഉണ്ടായിരുന്നെങ്കിലും, അതിനെയെല്ലാം ചെറു ചിരിയോടെ അതിജീവിച്ച് പൊതു ഇടങ്ങളിൽ എപ്പോഴും സന്തോഷത്തോടെയുള്ള മുഖവുമായി മാത്രമാണ് സുബി പ്രത്യക്ഷപ്പെടാറുള്ളത്.
ഒരിക്കൽ, തന്റെ സ്കൂൾ പഠനകാലത്തെ ഒരു ചിത്രം സുബി പങ്കുവെച്ചത് അന്ന് ഏറെ ശ്രദ്ധ നേടിയിരുന്നു. പത്താം ക്ലാസ് പഠനകാലത്ത്, സോഷ്യൽ ഡേയിൽ സാരിയെടുത്ത് സ്കൂളിൽ എത്തിയ ചിത്രമാണ് സുബി പങ്കുവെച്ചത്. തന്റെ കൂട്ടുകാർക്കോപ്പൊമുള്ള ചിത്രം സുബി പങ്കുവച്ചപ്പോൾ തന്നെ ആരാധകരുടെ ശ്രദ്ധ പിടിച്ചുപറ്റിയിരുന്നു.
തന്റെ സ്കൂൾ പഠനകാലത്ത്, പഠനത്തിലും മറ്റു സ്കൂൾ അധിഷ്ഠിത പ്രവർത്തനങ്ങളിലും ആക്ടീവ് ആയിരുന്ന സുബി, പിന്നീട് കലാ ലോകത്തേക്ക് കടന്നുവരികയായിരുന്നു. ചെറിയ കാലം കൊണ്ട് തന്നെ, പ്രേക്ഷകർക്കിടയിൽ സുധി ശ്രദ്ധിക്കപ്പെട്ടു. നിരവധി വിദേശ രാജ്യങ്ങളിൽ അനവധി ലൈവ് സ്റ്റേജ് ഷോകൾ ചെയ്തിട്ടുള്ള സുബി സുരേഷ്, ‘സിനിമാല’ എന്ന ടെലിവിഷൻ ഷോയിലൂടെയാണ് മലയാളം ടെലിവിഷൻ പ്രേക്ഷകരുടെ ഹൃദയത്തിൽ സ്ഥാനം നേടിയത്.
തന്റെ ചെറിയ സിനിമ കരിയറിൽ, ഇരുപതിലധികം സിനിമകൾ ചെയ്യാനും സുബിക്ക് സാധിച്ചു. കൊച്ചിൻ കലാഭവൻ ട്രൂപ്പിലൂടെ മിമിക്രി ആർട്ടിസ്റ്റ് ആയി കരിയർ ആരംഭിച്ച സുബി, പിന്നീട് ടെലിവിഷൻ ഷോകളിലൂടെയും, ടെലിവിഷൻ അവതാരികയായും മറ്റും എല്ലാം നിറഞ്ഞു നിൽക്കുകയായിരുന്നു. തന്റെ ശബ്ദം തന്നെയായിരുന്നു സുബിയുടെ ഏറ്റവും വലിയ ഹൈലൈറ്റ്. അതുകൊണ്ടുതന്നെ, സുബി ഈ ലോകത്തോട് വിടപറഞ്ഞെങ്കിലും, അവരുടെ ഓർമ്മകളും, ശബ്ദവും, അവർ ചെയ്തു വെച്ച കലാസൃഷ്ടികളും മലയാളികളുടെ ഹൃദയങ്ങളിൽ നിന്ന് ഒരിക്കലും മാഞ്ഞു പോകില്ല.
