കാത്തിരിപ്പിന് ഒടുവിൽ സന്തോഷ വാർത്ത വന്നെത്തി; ഷംന കാസിം അമ്മയായി; കുഞ്ഞു വാവയെ കണ്ട് ആനന്ദ കണ്ണീരോടെ താരം !! | Shamna Kasim Blessed With Baby Viral Malayalam News
Shamna Kasim Blessed With Baby Viral Malayalam News : നിരവധി മലയാള സിനിമകളിലൂടെയും മറ്റും പ്രേക്ഷക ഹൃദയം കവർന്ന താരമാണ് പ്രിയ നടി ഷംന കാസിം.. താരം തന്റെ എല്ലാ വിശേഷങ്ങളും സമൂഹമാധ്യമങ്ങളിലൂടെ ആരാധകരെ അറിയിക്കാറുണ്ട്. മലയാളത്തിൽ മാത്രമല്ല തമിഴ് കന്നട ചിത്രങ്ങളിലും താരം സജീവ സാന്നിധ്യമാണ്. താരത്തിന്റെ വിവാഹവും പിന്നീട് ഗർഭകാലവും എല്ലാം തന്നെ സമൂഹ മാധ്യമങ്ങൾ വളരെയധികം ചർച്ച ചെയ്ത വാർത്ത ആയിരുന്നു. ഷംനയുടെ വളകാപ്പു ചടങ്ങും ഒമ്പതാം മാസത്തിലെ മറ്റു ചടങ്ങുകളും ഫോട്ടോഷൂട്ടും തുടങ്ങിയവയെല്ലാം തന്നെ പ്രേക്ഷകർ ഏറ്റെടുത്തതാണ്.
കഴിഞ്ഞ ദിവസം താരം ഇൻസ്റ്റഗ്രാമിലൂടെ പങ്കുവെച്ച നൃത്ത വീഡിയോയും വൈറൽ ആയിരുന്നു. തന്റെ പൊന്നോമനയെ കാത്തിരിക്കുന്ന ഷംന കാസിമിന് നിരവധി ആരാധകരാണ് ആശംസകൾ നേർന്ന് കൊണ്ട് എത്തിയിരുന്നത്. എന്നാൽ ഇപ്പോൾ സമൂഹമാധ്യമങ്ങളിലൂടെ ഷംനയുടെ പുത്തൻ വിശേഷങ്ങൾ ആണ് ശ്രദ്ധ നേടുന്നത്. അങ്ങനെ ആ കാത്തിരിപ്പ് അവസാനിച്ചിരിക്കുന്നു . ഷംന കാസിം അമ്മയായിരിക്കുന്നു. കഴിഞ്ഞ ദിവസമാണ് ഷംനയെ ദുബായ് ആശുപത്രിയിൽ പ്രവേശിപ്പിച്ചിരുന്നത്.
ചൊവ്വാഴ്ച്ച രാവിലെ 9 മണിയോടു കൂടി താരം ഒരു ആൺകുഞ്ഞിന് ജന്മം നൽകിയിരിക്കുന്നു.അമ്മയും കുഞ്ഞും സുഖമായിരിക്കുന്നു എന്ന വിവരങ്ങളാണ് സമൂഹമാധ്യമങ്ങളിലൂടെ ഇപ്പോൾ പ്രേക്ഷകരിലേക്ക് എത്തിക്കൊണ്ടിരിക്കുന്നത്.ഡിസംബർ അവസാനത്തോടെയാണ് താനൊരു അമ്മയാകാൻ പോകുന്നു എന്ന വാർത്ത സമൂഹമാധ്യമങ്ങളിലൂടെ ഷംന ആരാധകരെ അറിയിച്ചത്.ജെബിഎസ് ഗ്രൂപ്പ് ഓഫ് കമ്പനീസിന്റെ സ്ഥാപകനും സി ഇ ഒയുമായ ഷാനിദ് ആസിഫ് അലിയാണ് ഷംനയുടെ ഭര്‍ത്താവ്.
2004 പുറത്തിറങ്ങിയ മഞ്ഞു പോലൊരു പെൺകുട്ടി എന്ന ചിത്രത്തിലൂടെയാണ് ഷംന അഭിനയ മേഖലയിലേക്ക് കടന്നുവരുന്നത്.കോളേജ് കുമാരന്‍, മകരമഞ്ഞ്, ചട്ടക്കാരി, ഒരു കുട്ടനാടന്‍ വ്‌ലോഗ്, മധുര രാജ, ദൃശ്യം 2 തുടങ്ങി ഒട്ടേറെ ചിത്രങ്ങളില്‍ ഷംന കാസിം വേഷമിട്ടിട്ടുണ്ട്. നാനിയും കീര്‍ത്തി സുരേഷും പ്രധാനകഥാപാത്രങ്ങളെ അവതരിപ്പിക്കുന്ന ദസറയാണ് ഷംന അഭിനയിച്ച ഏറ്റവും പുതിയ ചിത്രം. മാര്‍ച്ച് 30 ന് തിയേറ്ററുകളിലെത്തിയ ചിത്രം മികച്ച പ്രതികരണമാണ് ഇതിനോടകം തന്നെ നേടി കഴിഞ്ഞത്.
